Lab: 1. saioa

1. Laborategiko saioak

Izenen nomenklatura. Laborategian egiten ditugun ariketak identifikatzeko kode hau erabiliko dugu: orXXaXX.PAS non or eta a karaktereek orrialdea eta ariketa adierazten dute. Adibidez: or23a12.pas izango da 23garren orrialdeko 12garren ariketa

Fitxategiak non gorde. Programa idazten hasi aurretik disko gogorreko temp karpetan astea1 (aste bakoitzaren ariketak karpeta ezberdin batean gordeko dira) izeneko karpeta sortuko duzu, geroago sortuko dituzun iturburu-programak gorde ahal izateko. Kontuz, temp karpeta beste ikasle batek ezaba lezake!! Saioa amaitu aurretik hemen dauden programak ekasi plataforman (http://ekasi.ehu.es) gordeko ditugu.

Turbo Pascal Ingurunea (IDE) (liburuaren 35. orrialdea):

o Lana errazten digu (testu editorea, konpilatzailea, araztailea, laguntzak, fitxategi kudeaketa)

o Itxura (komando nagusien menua, edizio-leihoa, ALT, sagua, teklak, izartxo (aldatu denean), mugitzeko barrak, leihoaren neurria, nola itxi, fitxategiaren bidea)

o File: New (fitxategi bat baino gehiago irekita, edizio-leiho ezberdinak), Open (aldez aurretik existitzen denak), Save (indarrean dagoen edizio-leihoa), Save as, Change Dir (direktorio lehenetsia, aukeratu sortutakoa beti), DOS Shell (behin-behineko irtenaldia), Exit

o Edit: Cut, Copy, Paste (Itsatsi), teklak (shift, geziak, tab, inicio, fin,...)

o Search: Find (testu bat bilatzeko), Replace, Search Again

o Run: Run, Step over

o Compile: Compile (Destination (fisikoki non kokatuko da programa exekutagarria)

o Debug: Output, User Screen (erabiltzaileak ikusiko lukeena)

o Window: (begiratu 38. eta 43. orrialdeak)

o Help: Control + F1

2. Lehenengo programaren garapena Turbo Pascal-ean

Programa analizatu eta diseinatu ondoren programaren kodeketa dator eta honetarako ondoko urrats hauek eman behar ditugu:

0. Karpeta bat aukeratu iturburu kodea gordetzeko

1. Iturburu-programaren sarrera eta edizioa
2. Programaren konpilazioa eta konpilazio-erroren arazketa
3. Errorerik gabeko iturburu-programa gorde
4. Exekuzioa
5. Exekuzio-erroreen arazketa

0.- Karpeta bat aukeratu iturburu kodea gordetzeko

Programa idazten hasi aurretik disko gogorreko temp karpetan astea1 (aste bakoitzaren ariketak karpeta ezberdin batean gordeko dira) izeneko karpeta sortuko duzu, geroago sortuko dituzun iturburu-programak gorde ahal izateko.

Kontuz, temp karpeta beste ikasle batek ezaba lezake!! Saioa amaitu aurretik hemen dauden programak ekasi plataforman (http://ekasi.ehu.es) gordeko ditugu

1.- Iturburu-programaren sarrera eta edizioa

Turbo Pascal-en ingurunean sartuz gero, NONAME00.PAS izeneko leiho hutsa agertuko zaizu (bestela egin file >> new).

Orain jaitsi agurra.pas, gorde astea1 kasrpetan eta ireki TurboPascaletik):

o Erabil itzazu koskak programa ulergarriagoa egiteko. Hauek zuriune pare bat lerroaren hasieran sartuz egin ditzakezu

o Editoreak ebaki, kopiatu eta itsatsi aukerak ditu. Hauek edit menuan aurki daitezke.

o Idazteko bi modu dago txertatu (lehenetsia) ala gainidatzi. Lehenengoan tekleatzen ditugun karaktereek jarraian dauden guztiak higiarazten dituzte; bigarrenak, berriz, ordeztu egiten ditu. Batetik bestera pasatzeko Insert tekla sakatu behar da.

2.- Iturburu-programaren konpilazioa eta konpilazio-erroren arazketa

Honetarako compile menua ireki eta berriro compile aukeratu egin behar duzu (compile >> compile). Hala ere, hau askotan egin beharko duzunez, hobe da ALT+F9 tekla-konbinazioa ikastea.

Fase honetan konpilazio-erroreak agertuko dira. Errorea azaltzen den bakoitzean, errorea dagoen lerroan gelditzen da konpiladorea eta errore-mezua ikusiko duzu. Kasu hauetan saka ezazu ESC tekla, zuzen ezazu errorea eta hasi berriro konpilatzen (ALT+F9). Errepika ezazu prozesua errorerik gabeko konpilazioa lortu arte.

Honela memorian konpilatu dugu programa. Badago programa konpilatzeko beste era bat, fitxategian, non programa exekutagarria (.EXE) sortzen den. Bigarren hau hautatzeko erabil ezazu Compile >> Destination (Memory ala Disk aukerak)

3.- Errorerik gabeko iturburu-programa gorde

Begiratu behar duzun lehenengo kontua hauxe da: zein den programa gordetzeko karpeta. Horretarako File >> Change dir... elkarrizketa-koadroa ireki behar duzu eta honetan 0 puntuan sortu duzun astea1 karpetaren bidea (c:\temp\astea1) definitu.

Bidea ondo dagoenean, zure programa gordetzeko ireki ezazu file >> save... elkarrizketa-koadroa eta honetan idatz ezazu fitxategiaren izenean OR00A1.PAS

4.- Exekuzioa

Errorerik gabeko konpilazioa lortu ondoren programa exekutatu behar duzun egokia denentz jakiteko. Horretarako erabil ezazu Run >> Run edo askotan egingo dugunez ikas ezazu CTRL+F9 tekla-konbinazioa. Hau egindakoan pantaila aldatzen da (programaren erabiltzailearen pantailara) eta programaren exekuzioa burutzen da.

Exekutatu bezain laster berriro editorearen pantailara bueltatzen da, baina aldatu ahal dugu pantaila batetik bestera txandaka ALT+F5 tekla-konbinazioaren bidez.

5.- Exekuzio-erroreen arazketa

Exekuzioan erroreak agertuz gero berriro iturburu-programara jo beharko duzu eta zuzendu ondoren bigarren pausutik aurrera errepikatu.

3. Beste programa batzuk

Errepika itzazu aurreko urrats guztiak Agurra eta Batuketa_bat programekin (deskargatu hemendik: agurra.pas ; batuketa.pas) eta gorde itzazu astea1 karpetan or00a01.PAS eta or00a02.PAS izenekin, hurrenez hurren.

Jaitsi graduak.pas fitxategia, ireki Turbo Pascalean eta gorde or00a03.pas izenarekin. Zuzendu erroreak. Esteka honetan laguntza topatuko duzu...

Jaitsi zkh.pas fitxategia, ireki Turbo Pascalean eta probatu bere funtzionamendua. Gorde or00a04 izenarekin.

4. Saio amaiera

Amaitzen duzunean editoretik irteteko File >> Exit egin behar duzu.

Eta laborategi-saioa amaitzeko kopia itzazu sortutako programak c:\temp\astea1 karpetatik ekasira (http://ekasi.ehu.es). eKasi plataforman aukeratu zure laborategi taldeko ikasgela birtuala (31PL1, 31PL2,...) eta sakatu "Ariketen karpeta" ikonoa (ikus daiteke orri bat karpeta baten barruan). Sortu aste1 izeneko karpeta bat. Han gorde behar dituzu saioaren programak hurrengo izenekin: or00a01, or00a02, or00a03 eta or00a04.

5. Etxekolanak

• Instalatu etxean TurboPascal konpiladorea (arazoak izanez gero, hurrengo laborategi saioan aztertuko ditugu).
• Birpasatu etxean laborategian egindakoa eta amaitu egin gabe geratu dena gidoia irakurriz. Igo lau ariketak eKASIra.
• Ez ahaztu hurrengo saiorako proposatzen diren ariketen lehenengo bertsio bat etxean egin behar duzula.